Begira, aldatzen joan ginen.

Aste honetan Tabakaleran izan gara, Grabiel Chaile eskultorearen erakusketan, eta asko ikasi eta gozatu genuen.

Jarraian, Tabakalerak aipatzen duen erakusketari buruzko lerro batzuk utziko ditugu.

"Gabriel Chaile egungo eskulturan ezagunenetakoa da bere adobezko pieza monumentalei esker, bere jaioterritik gertu dagoen La Candelaria kulturaren kolonaurreko zeramiken morfologia gogorarazten baitute. Gaur egun, Chailek antzinako teknikak ikertzen eta zabaltzen jarraitzen du narratiba alternatiboak eraikitzeko, iraganaren eta orainaren arteko harremana birpentsatzera gonbidatzen gaituztenak, banakoaren eta kolektiboaren artekoa.

...

Begira, aldatzen joan ginen hori da Gabriel Chaile (San Miguel de Tucumán, Argentina, 1985) artista argentinarrari eskainitako erakunde batek sustatutako lehen erakusketa, eta haren ibilbidea jasotzen du, hasieratik gaur egun Lisboako estudioan egiten duen praktikara arte. "